Adam Khor: Ek Dehshat Naak Kahani

Ek dafa ka zikr hai ke ek chhoti si gaon mein Rehman naam ka ek shaks rehta tha. Rehman ka kaam jungle se lakri kat kar bechna tha. Har roz subah woh apna aari uthata aur jungle ki taraf chal parta. Jungle gehra tha aur aksar log uss mein jaane se ghabrate thay, lekin Rehman ne kabhi kisi se dar nahi khaya tha. Woh apni masti mein jungle ke ander chala jata, lakri katta aur sham tak wapas laut aata.

Ek din Rehman ne faisla kiya ke woh jungle ke aur gehraai mein jaye ga, kyun ke uss ne suna tha ke wahan zyada gehraai mein achi aur qeemti lakri milti hai. Subah subah woh apna safar shuru karta hai aur dekhte hi dekhte jungle ke andheron mein kho jata hai. Jahan aam dinon mein woh ruk jata tha, uss se aage chala gaya.

Jungle itna ghana tha ke hamesha shaam ka sa mahal lagta tha. Rehman ne kabhi itni gehraai mein kadam nahi rakha tha. Chalte chalte, usse ek ajeeb si boo mehsoos hui, lekin uss ne isse nazar andaz kar diya. Jaise jaise woh aage badh raha tha, uska dil bhaari hota ja raha tha. Achanak uske samne ek chhoti si jhopri nazar aayi. Jhopri ko dekh kar Rehman ki curiosity barh gayi aur usne faisla kiya ke woh andr ja kar dekhe ga ke andar kaun rehta hai.

Jab Rehman jhopri ke kareeb pohancha, to usne dekha ke darwaza khula tha. Andar ja kar uske hoosh udd gaye. Uss ne dekha ke jhopri ke ander bohot si haddiyan padi hui hain, jin mein se kuch insani haddiyan bhi thi. Rehman ka dil dhadakne laga aur usne wahan se bhagne ka socha. Lekin uske nikalne se pehle hi jhopri ka malik wahan aa gaya. (Load More)

Woh ek lamba chhoda, bohot hi daraavna shaks tha, jise dekh kar Rehman ka rang urd gaya. Usne dekha ke uss shaks ke haath mein ek bada sa chaaku tha, aur uske chehre par ek khaufnaak muskurahat thi. “Kya tumne meri jhopri mein ghuss kar meri secret dekh li?” Uss shaks ne poocha.

Rehman ne tharrate hue jawab diya, “Nahi... nahi... main bas rasta bhool gaya tha...”

Lekin Adam Khor shaks ne ek zor daar qahqa lagaya aur kaha, “Ab tum yahan se zinda nahi jaoge!”

Rehman ne apni zindagi ki sabse tez daud lagai, lekin jungle ke andher mein woh raasta bhool gaya. Peeche se uss Adam Khor ke kadmon ki awaz qareeb aa rahi thi. Rehman ne puri koshish ki, lekin woh shaks itni tez tha ke jaldi hi usne Rehman ko pakar liya. 

Rehman ki cheekhon se jungle goonj utha, lekin jungle ke andher mein koi uski madad ko nahi aaya. Uss din ke baad se kabhi kisi ne Rehman ko nahi dekha, aur na hi uss Adam Khor ka pata chala.

Waqt guzarta gaya, lekin gaon ke logon mein yeh kahani ek afsana ban gayi. Aaj bhi log uss jungle ke gehraai mein jaane se ghabrate hain, aur kehte hain ke agar koi wahan gaya, to woh kabhi wapas nahi aata.

Yeh kahani humein yeh sabak deti hai ke kuch jagahen aur kuch raaz aise hote hain jinhein jan’ne ki koshish nahi karni chahiye. Kyunki kabhi kabhi, dar ke peeche chhupi haqeeqat insaan ke sabr aur hosla ko parakhne ke liye hoti hai.

End